فيديو هزار أمام القبر يثير الغضب.. ما القصة؟
أثار فيديو هزار أمام القبر على مواقع التواصل الاجتماعي حالة من الغضب والجدل بسبب بنت تقدم محتوى تيك توك وهي داخل المقابر بتضحك وبتهزر وبملابس متبرجة تخبط على باب من أبواب المقابر وتقوله 'افتح يا جدي' كنوع من الهزار الغير المقبول.
تفاصيل فيديو هزار أمام القبر
فيديو هزار أمام القبر يعتبر مشهد مستفز ولا يراعي حرمة الموت أو الموتى ولا لمشاعر الناس، كما أن القبور ليست لوكيش تصوير للباحثين عن الترين والشهرة.
ردود أفعال السوشيال ميديا على فيديو الهزار أمام القبور
وجاءت ردود الفعل السوشيال ميديا على فيديو الهزار أمام القبور قائلة: اللي هدفه يضحك الناس، قدامه ألف طريق غير الاستهانة بحرمة المكان، أتمني الموضوع ياخد مجراه القانوني وتتحاسب علي تصرفاتها دي هسيبلكم الفيديو في التعليقات.
فيديو هزار وضحك على القبر
كما قال أحد الأشخاص: الموت له جلال.. فمتى نحترم الصمت؟
إحنا بجد وصلنا لمرحلة مرعبة.. لما يبقى "القبر" مجرد "لوكيشن" تصوير، وتتحول حرمة الميت لمجرد وسيلة لجمع اللايكات والفيوز، يبقى لازم نقلق بجد على اللي جاي.
مشهد حد رايح المدافن مخصوص عشان يصور "تيك توك" بتمثيل مفتعل وكلام زي "يا جدي افتح جبتلك التفاح"، ده مش بس "قلة ذوق"، ده إفلاس أخلاقي وإنساني كامل. الموت هو اللحظة الوحيدة اللي بتهز كيان الإنسان وتخليه يراجع حساباته ويخضع لجلال الخالق، مش يفتح الكاميرا ويظبط الإضاءة عشان "الريتش"!
فيديو استهزاء أمام القبور
يا جماعة لازم نفوق:
المشاعر مش بضاعة بنعرضها للبيع والشراء في سوق التريند.
القبور ليها حرمة، والأموات محتاجين مننا "دعوة صادقة" في السر، مش صريخ وتمثيل قدام الكاميرا.
هيبة الموت أكبر بكتير من إنها تضيع في كادر فيديو "تيك توك".
اتقوا الله في جلال المكان، واتقوا الله في هيبة الموت.. ارحموا من في الأرض واحتفظوا بوقار اللحظة، لعل الله يرحمكم يوم لا ينفع فيه مال ولا "فولورز".
