بعد ساعات من تعينه.. باسم علي يعلن رحيله عن جهاز المنتخب

أعلن باسم علي رحيله عن الجهاز الفني الجديد لمنتخب مصر الأول، بعد 24 ساعة فقط من الإعلان عن انضمامه إلى الجهاز المعاون للمدير الفني علي ماهر وتعيينه كمدرب مساعد.

ووضح  باسم علي  موقفه عبر رسالة نشرها على حسابه الشخصي بموقع «إنستجرام»، أكد خلالها تقبله لما حدث، متمنيًا التوفيق للجهاز الفني الجديد في مهمته المقبلة.

وقال باسم علي في رسالته: «قدر الله وما شاء فعل، أولا وأخيرا وربنا دايمًا عمره ما يعمل حاجة وحشة أبدًا لأي إنسان، وأنا راضي بحكمته، فالحمد والشكر دايمًا لله».

وأضاف: «أتمنى من الناس مساندة ودعم كابتن علي ماهر وجهازه الفني المحترمين، اللي ليا الشرف إني كنت واحد من وسطهم، واللي بتمنالهم كل التوفيق في المرحلة اللي جاية».

وتابع: «كان نفسي أكون موجود معاهم وتمثيل منتخب بلدنا، لأن شرف عظيم لأي مدرب التواجد وتمثيل منتخب بلده، كل التوفيق لهذا الجهاز المحترم اللي يستاهل الدعم والمساندة، وربنا يقدرنا نساعدهم إن شاء الله».