الثانوية العامة 2026.. تربوي: مشهد الطلاب بعد امتحان الكيمياء صعب ومؤلم
الثانوية العامة 2026.. تربوي: مشهد الطلاب بعد امتحان الكيمياء صعب ومؤلم
امتحانات الثانوية العامة 2026.. وصف الدكتور محمد سعد وكيل وزارة التربية والتعليم بالبحيرة السابق، مشهد اليوم بعد امتحان الكيمياء بـ«كان صعبًا ومؤلمًا جدًا».
الثانوية العامة 2026.. تربوي: مشهد الطلاب بعد امتحان الكيمياء صعب ومؤلم
وأشار إلى أن الطلاب خارجين من اللجان في حالة انهيار، دموع، إحباط، وخوف من المجهول… وعلى أبواب اللجان آباء وأمهات واقفين مستنيين أولادهم بقلوب بتدق قبل ما يشوفوا ملامحهم.
وأضاف أن أصعب لحظة على أي أب أو أم، إنهم يشوفوا ابنهم أو بنتهم خارجين من الامتحان وهم بيعيطوا، وحاسين إن تعب سنين أو حتى حلم عمرهم ممكن يكون ضاع في ورقة امتحان.
ونوه إلى أن الثانوية العامة ليست مش مجرد امتحانات، ولكنها فترة مليئة بخوف، قلق، دعاء، وأمل.
وقال الدكتور محمد سعد: أنا شخصيًا فاكر كويس جدًا لما أول أولادي كان في الثانوية العامة، وحصل موقف مشابه… وقتها، رغم خبرتي الطويلة في ملف الامتحانات والتعليم، حسيت بنفس مشاعر أي أب: خوف، قلق، ورغبة عارمة إن ابني يعدّي المرحلة دي بأمان.
وأضاف أن الثانوية العامة مرحلة مهمة… لكنها ليست نهاية الطريق، وامتحان صعب للجميع لا يعني نهاية الأحلام، ولا ضياع المستقبل.
ووجه رسالة لكل أب وأم قال فيها:«ربنا يصبركم ويعينكم على القلق والخوف اللي جواكم».