الجمعة 30 سبتمبر 2022 الموافق 04 ربيع الأول 1444
رئيس التحرير
شيماء جلال
عاجل
جامعات

عاجل.. أزمة تنسيق طلاب مدارس المتفوقين «صداع مستمر».. و«التعليم العالى» ترد

كشكول

وجه أولياء أمور طلاب مدارس المتفوقين للعلوم والتكنولوجيا «stem»، شكوى لرئاسة الجمهورية، لرفع الظلم الواقع على طلاب هذه المدارس، فيما يخص تنسيق القبول بالجامعات في العام الجامعي الجديد 2022 - 2023. 

نص الشكوى

وجاء نص رسالة أوليا الأمور كالتالي:« أتمنى من حضرتك كولى أمر لطالب بمدارس المتفوقين للعلوم والتكنولوجيا STEM مناشدا إياك كوالد لجميع المصريين رفع المظالم التى يتعرض لها هذا القطاع من الطلاب المتفوقين.. سيادتك عدد طلاب مدارس STEM فى حدود 1700 طالب الدولة أخدتهم بشروط تفوق معينة بعد سنة 3 إعدادى وبعد ما خضعوا لاختبارات قدرات مخصصة لهم وتم إختيارهم من وسط كل طلاب جمهورية مصر العربية ودخلوا مدارس STEM وهى مدارس داخلية لمدة 3 سنين إقامة كاملة بنظام دراسة مختلف تماما عن ثانوية عامة، بيعملوا مشاريع لحل مشاكل مصر البيئية بإستخدام الموارد الطبيعية بأقل تكلفة، بيحضروا محاضرات فى كليات هندسة وطب وصيدلة وزراعة وعلوم ومعاهد البحوث علشان يكملوا أبحاثهم على أكمل وجه يليق بطالب متفوق، بيدخلوا مسابقات عالمية بمشاريعهم بإسم مصر وبيفوزوا».

كما جاء في نص الشكوى: «لكن بعد ده كله وبعد تعبهم ومجهودهم وتعبنا معاهم يتظلموا ويتنسوا ولغاية دلوقتى مانزلش ليهم تنسيق أصلا ومستنيين لما طلاب ثانوية عامة يقدموا وينسقوا علشان يحصلوا على نسبة مرنة لا تتجاوز 25% من عدد الطلاب.. حضرتك إحنا حتى كأولياء أمورهم مش عارفين نقدملهم فى تنسيق الكليات الأهلية اللى سيادتك تفضلت وصرحت إن الدولة بتبنيها مخصوص لأولادك من طلبة مدارس المتفوقين والمسئولين يقولولنا لما ثانوية عامة يخلصوا إبقوا لفوا على الجامعات الأهلية قدموا فيها ورقى وحتى ماحددوش نسبة قبول الطلبة المتفوقين فيها واللى على أفضل حال كما هو مشاع لن تتخطى الـ 5% ؟»؟

وجاء في نصها:«هل ده يرضى حضرتك ؟! نلف على كل جامعات مصر الأهلية فى مختلف المحافظات نقدم فيها ورقى وندفع أبلكيشن ألف جنيه فى كل جامعة وكل ذنبنا إن أبناءنا متفوقين ؟!.. حضرتك اللى بيحصل مع الطلبة دول عبارة عن إهدار لثروات وموارد مصر الحقيقية الممثلة فى عقول شبابها المتفوق المتفرد اللى إتصرف عليه دهب فى مدارس داخلية لإعداده للمستقبل وبعدين إتنسى عند مرحلة التنسيق لأنهم للأسف بيمثلوا أقلية !!.. هل يعقل إن 1700 مشروع عالم تم إعدادهم بعناية وصرف مبالغ طائلة من ميزانية الدولة على إقامتهم ومعاملهم ومدارسهم ومدرسينهم وتعليمهم يتم تعليق تنسيقهم وقبولهم بالجامعات لحين توزيع ما يقرب من 2 مليون طالب فى الثانوية العامة اللى مافيش أصلا أى وجه شبه بين دراستهم ودراسة طلبة مدارس STEM ؟!!».

واختتم أولياء الامور الشكوى:« نرجو من حضرتك  فخامة الرئيس كالمسئول الأول عن مصائر أولادنا وأولادك من المتفوقين من طلاب مدارس STEM أن ترفع الظلم الواقع عليهم وعلينا كأولياء أمورهم بأن تأمر بتوزيعهم الفورى على كليات القمة التى يتم إعدادهم لها منذ ثلاثة أعوام وتقديم المنح الكاملة الكافية لهم بالكليات الأهلية بما يتفق مع مستواهم العلمى والعقلى».

رد مكتب التنسيق 

قال السيد عطا، رئيس قطاع التعليم بوزارة التعليم العالي والبحث العلمي، والمشرف العام على مكتب تنسيق القبول بالجامعات إن تنسيق طلاب مدارس المتفوقين ومدارس العلوم والتكنولوجيا stem يبدأ فور استلام نتائجهم من وزارة التربية والتعليم.

وطمأن عطا، الطلاب وأولياء الأمور قائلا:« كل الطلاب أبناء الوزارة ولا داع للقلق وسيتم توزيعهم وفق القواعد المقررة كما هو متبع سنويا وفقا للنسبة المرنة».

 

Advertisements
Advertisements