الزوج يكشف حقيقة صورة "العروس الحامل" التى قلبت السوشيال ميديا
بعد تداول مقطع فيديو على مواقع التواصل الاجتماعي يظهر خلاله عريس يرقص مع عروسه، وتظهر العروسة بالصور المتداولة، بأنها حامل وعرفت إعلاميًا بـ" العروس الحامل".
ولكن تعود في الأصل حقيقة الصور المتداولة إلى حفل بين عدد
من الأصدقاء والأقارب لمعرفة نوع الجنين.
وكشف، صاحب الفيديو يدعى مجدى محمود، حقيقة الصور التى تعود
إلى حفل للكشف عن نوع الجنين، والتي تمت في جو عائلى بين أفراد الأسرة والأصدقاء.
ورد" مجدى" على العديد من المنشورات التي كتبت
حول أن الحفل لزفاف عروس حامل، حيث قال: "الشهرة حلوة ونفسنا نبقي مشاهير بس بالحاجة
اللي بنعملها والمحتوي اللي بنقدمه مش بقلة الأدب والخوض في الأعراض".
وتابع: "أنا لحد دلوقتي مش فاهم أول واحد واخد أسكرين
من فيديو أنا رافعه وواضح فيه جدا إحنا بنعمل أيه وأن دي حفلة بنعرف أصحابنا والناس
اللي متابعنا فيها نوع الجنين، ويحرف الكلام ويألف قصة على مزاجه لمجرد أنها هتجيب
لايكات أكتر من القصة الحقيقية بيقول لنفسه إيه ".
وتابع: "والناس اللي ذي البغبان بياخدو كوبي ويشيرو
من غير ما حتي يعقلوا الكلام أو يفكروا لمدة دقيقة مع نفسهم بجد أنتوا إيه؟".
وأضاف: "يا جماعة أنتوا ممكن تخربوا بيوت وتخلو ناس تنتحر وتعقدوا ناس في عيشتها ربنا يهديكم أي حد يشوف بوست من اللي بيتريقوا علينا يحط البوست دا في عينه، شيرو البوست دا عشان الناس اللي مبتفهمش تفهم ومحدش يقولي أنت اللي متنزلش صورك أنا بنزل صوري أنا مش صور حد تاني بالوضع واللبس اللي على مزاجي واللي عمره ما كان فيه أي ضرر أو إساءة لحد، الصورة من حفلة عملناها بعد سنتين جواز".
