وزير التعليم: حدثنا المناهج لانها كانت تستهدف الحفظ فقط
قال الدكتور طارق شوقي، وزير التربية والتعليم، والتعليم الفني، أنه تم العمل على ملف المعلم من حيث الحوافز والترقيات، بالإضافة الى العمل على ملف المناهج تم الاشتغال عليه، فكانت قديمة جدا تستهدف الحفظ، الملكية الفكرية مش تبعنا، موضوع الطباعة كان معقد جدا، موضوع الامتحانات في سنوات النقل كانت مش منظمة".
وتابع الوزير ، خلال حواره في برنامج "الحكاية"، مع الإعلامي عمرو أديب، على شاشة "mbc مصر"، "كان هناك ملف الكتب الخارجية، وكنا نلاقي ناس مش بتعرف تقرأ ولا تكتب وهي في ثانوي، وفيه موضوع التمويل، هنمول التطوير منين، هنحسن دخل المعلم منين، قصة معقدة جدا، فيها تفاصيل أكثر من اللي بقوله.
وأوضح شوقي: "كان لازم نختار الأولويات، ونكون أذكياء في ترشيد الموارد، نعيد ازاي توظيف اللي معانا، ونختار شركاء صح نشتغل معاهم، نعمل شركات مع دول ثانية، نستغل الدول المناحة بطريقة منظمة، يبقى عندنا خطة عارفين رايحين فين في 2030، نشتغل على محاور متوازنة".
