«الـ3 مش ولادي».. التفاصيل الكاملة لاكتشاف زوج خيانة زوجته بعد 11 عاما

تزوجا عن حب، قضى معها أسعد أيام حياته وتفاصيل إنجابها لـ3 أطفال، ولكن أتت الرياح بما لا تشتهي السفن، حيث اكتشف خيانتها بعد 11 عاما، وأثبتت تحاليل الـDND  أنهم ليسوا أبناءه.

قال الزوج المصري "محمد هادي" إنه بعد تخرجه من دراسته، ارتبط بها لمدة وتقدم لها وتزوجا وهو فى تلك الفترة كان يعمل فى شرم الشيخ، وكان يحصل على إجازة كل شهر أو شهر ونصف، وحدث حمل فى الطفلة الأولى، ثم حدثت ثورة يناير، وسافر وعمل خارج مصر، وخلال تلك الفترة أنجب طفلين أخرين، وعندما عاد فى عام 2018، قرر تأسيس مشروع خاص به للعمل داخل مصر.

وأضاف خلال مداخلة مع الإعلامي عمرو أديب خلال برنامج "الحكاية" المذاع على قناة mbc مصر: "طوال تلك الفترة لم أشك في سلوكها، وخلال شهر ونصف من عودتى إلى مصر، اكتشفت اختفاء فلوس وهواتف، وأرقام غريبة على هاتفها، حتى وصلني رسالة من شخص يقول فيها أنه فاعل خير".

ونص الرسالة على "أنت بتتخان طول عمرك، وزوجتك بتخونك مع جار والدتها".

وقال: "الشخص ده بعتلي اسمه والمكان اللي بيتقابلوا فيه، والأرقام التلفونات طلعت صح، وكانت مسجلة رقم منهم باسمه بعد ما كشفت عليه، وأتأكدت أنها حقيقة، ومفكرتش كل ده في الولاد خالص".

ولكنه بعد ذلك توجه الزوج إلي ومحامي لعرض هذا الأمر عليه حتي يتمكن من التصرف بشكل صحيح وقانوني،  قائلا: " المحامي قالي إن ده ابتلاء ممكن يحصل نتيجة السفر والغربة، وهو اللي خلاني أفكر في منطقة الولاد دول ولادي ولا لأ، واحنا بنتكلم عن الولاد الشخص المجهول بعتلي صورة للشخص اللي بتخوني معاه، فلاقيت البنت الصغيرة شبهه، ولاقيت ابن الراجل ده شبه ابني بالظبط كأنهم توأم".

ومن هذا الوقت قرر الزوج باصطحاب طفليه لعمل تحاليل ال  DNA ، وبند الانتهاء من عمل التحاليل، فوجئ الزوج مكالمة من والده زوجته قائلا: "  قالي لما نتيجة التحليل تطلع طمني، فوجئت بعد كدة أنهم رافعين دعوة خلع، وبعدها طلعت التحاليل وكشفت أن مفيش مطابقة في الجينات الوراثية، فلجأت إلى طريق القانون وعاوز أخد حقي، وتوجهت للقسم والناس ساعدوني كتير جدا، وحررت محضر وأرفقت المستندات واتحولت للنيابة".

وتابع: "فوجئت بصاحب البيت بيقول إن كان في واحد بيتردد على بيتي بعد ما أنا سافرت على طول، فبعت الصورة لصاحب البيت وقالي أيوة هو ده، وشهادة الشهود أكدت أن الراجل ده تردد على البيت مرتين، ولما وقفوهم وهما طالعين قالت ده أخويا، والكارثي أن حتى البنت التالتة مطلعتش بنتي، يعني الثلاثه مش ولادي".

وأضاف: "أنا واقع في مشكلة تانية، محكمة الأسرة رفضت إنكار نسب، ومتطرقتش لحكم المحكمة اللي صدر بحبس الزوجة والعشيق، وهما الآن هربانين".

رد الزوجة

ردت تغريد السيد محمد الزوجة المتهم بخيانة زوجها بالزنا لمده ١١ عاما، عبر فيديو انتشر علي جميع مواقع التواصل الاجتماعي، قائلة" الثلاث ولاد ولادك ومن صلبك، أنا اتخطبتله عن حب واتجوزته عن حب ووالدي  كان رافض وبالرغم من كده اتمسكت بيه لاني كنت معجبة بشخصيته وأدبه وأخلاقه وربنا كرمنا لساني وادم وايات".

وأكملت حديثها، "هو سافر وقعد 5 سنين برا البلد في قطر كان شغال في فندق وراحلته رسالة أن الست بتاعتك بتخونك، وشك أن الأولاد مش أولاده وعملهم DNA وثبت أن العيال مش ولاده، طيب إزاي يعني لما دول مش أولادك أمال ولاد مين".

وأكملت مدافعة عن نفسها، "لما هو عمل تحليل للاتنين الصغيرين أنا طلبت تحليل للتالتة ورحت للطب الشرعي بنفسي، أطلب تحليل للبنت الكبيرة، لو مش بحبك هكمل معاك ليه ما كنت سيبتك ومشيت مشي بطال".

واستنكرت إقامة زوجها دعوى قضائية ضدها بقولها، "عملت قضية وتحليل للعيال لأنهم جم في غربتك وسفرك، لا الـ3 ولاد ولادك غصب عن عينك، الست اللي مش كويسة عندها 100 وسيلة عشان متخلفش من الراجل اللي ماشية معاه".

واتهمت الزوجة زوجها بأنه يريد التخلص من أطفاله، قائلة:" أنت بترمي عيالك في التراب والزبالة عشان خايف يبقوا شبهي، طب ليه كل ما تروح مكان بتعيط، أنت بتعيط من قهرتك على عيالك أنت دموعك كدابة لأن أنت عارف أن دول ولادك وبتعيط عشان بتسيبهم".