الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
مدارس

أمهات مصر عن فترة كورونا: "المدارس كانت نعمة كبيرة"

كشكول



قالت عبير أحمد، مؤسس اتحاد أمهات مصر للنهوض بالتعليم، إن هناك العديد من الدروس المستفادة بالنسبة لأولياء الأمور خلال فترة إلتزامهم بالجلوس في منازلهم خلال الأسابيع الماضية وحتي الأن، وذلك علي جميع المستويات. 

وأضافت عبير، في تصريحات صحفية، أن أول الدروس المستفادة إكتشاف أولياء الأمور لأبنائهم من جديد، وذلك نتيجة تواجدهم معهم طوال الفترة السابقة بالمنزل وهو ما خلق حوار دائم بينهم كانوا مفتقدينه قبل تطبيق قرار الحظر، موضحين أن ثاني الدروس المستفادة هي المدرسة والتي كانت بمثابة نعمة كبيرة بالنسبة لهم، وأيضا تاكدوا أن الحياة الطبيعية الروتينية كانت نعمه كبيرة يعيشون فيها، وغيرها من النعم التي كانوا يتمتعون بها قبل ظهور فيروس كورونا.

ودار حوار بين الأمهات من أولياء الأمور علي صفحة اتحاد أمهات مصر للنهوض بالتعليم، في الفيس بوك، حيث قالت ولي أمر: "إحنا كنا في نعمه كبيره ومش حاسين بيها مهما كان فيها من متاعب، المدارس نعمه والتعب في المذاكرة نعمه وكل حاجه كنا بنعملها مهما كانت مشقتها نعمه يا ريتها دامت"، وتابعت أخري: "نعمة اليوم الطبيعي بدون قلق وخوف أكبر نعمة".

وأضافت ولي أمر: "دور المدرسه مهم جدا، صحيح احنا وفرنا فلوس كتير من اللي كان المدرسين بياخدوها من قوتنا كل شهر في الدروس إضافة للمصاريف اليومية للمواصلات والعصائر والسندوتشات، لكن بصراحة عدم الذهاب للمدرسة حولت مخ العيال لجميز ولا فاكرين أي حاجة في أي حاجة".

واستكملت ولي أمر من المعلمين: "أنا كمدرسة كنت زهقت من المهنة ونفسي اخد إجازة واشتغل أي شغلانة تاني ومكنتش متخيلة إن الولاد في الكلاس والشغل والتعب هايوحشوني كده، وكأم حسيت بقيمة المدرسة لولادي والدروس والتمارين والنزول كل يوم بعد ما كل حاجة بقت في البيت، فعلا الواحد مش بيحس بقيمة الحاجة غير لما تروح منه، اللهم ارفع عنا البلاء والوباء".

وتقولي ولي أمر: "قربت من بنتي مكنتش بشوفها من المدرسة للدرس للنوم"، وتضيف أخري: "كنت بكسل أعمل حلويات أو أصناف جديده للأكل، لما المدارس وقفت ولقيت فى وقت اتشجعت ولقيت الموضوع لذيذ وممتع، حسيت إن الروتين اللى كنا بنضايق منه كان حريه  ونظام، اد ايه نعمه إن الواحد يروح مول أو نادى بدون خوف حتى لو كانت الدراسه بتحبسه معظم الأسبوع، وشعبنا اللى كنا فاكرينه مش متحضر طلع اكثر تحضر من دول كتير كنا فاكرينها منتهى الحضارة".

وذكرت ولي أمر: "بعيد عن الزهق والملل، لكن بالنسبالي أولادي كبار والصغير تانية إعدادي والباقي كبار، وطبعا زي ما انتي عارفة الولاد برة البيت علي طول، كان طول اليوم لوحدي حتي الأكل كل واحد ياكل لوحده، دلوقتي حصل ترابط بينا جامد بقوا يقعدوا معايا طول اليوم، عرفت عنهم حاجات كتير تانية بقينا نتكلم مع بعض بقينا نهزر ونضحك ونحكي مواقف وحكايات تخلينا نضحك فعلا، حسيت بقرب الولاد وإن الساعة التاسعة كله بيكون في البيت مفيش سهر مفيش خروج غير للضرورة يعني الحاجات دي فرقت معايا كتير، هم كتير بيتخانقوا ويتصالحوا ويزعقوا وأنا أصرخ بس واحنا مع بعض، ربنا يديمها علينا نعمة ويزيح الغمة آمين يارب".