الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
جامعات

واقعة "الشورت".. أستاذ بجامعة حلوان: "بلاش نقلل من قيمتنا أكتر من كدا"

واقعة الشورت
واقعة الشورت

علّق الدكتور مصطفى يسري، الأستاذ بكلية الفنون التطبيقية جامعة حلوان، على ما يحدث من تعقيب زملائه على واقعة خلع أستاذ بجامعة المنصورة ملابسه أمام الطلاب وبقائه بالتيشيرت والشورت، قائلًا: "عندى ملحوظة، ومعلش استحملوني، حد منا عمره شاف قاضي بينتقض سلوك زميل له حتى لو كان ذلك الزميل مخطئ؟ أو حد سمع عن طبيب بينزل بوست عن زميل مهنته اللي أرتكب جرم ما؟ أو الأجابة فى كل الحالات هي.. لا".

وتساءل الأستاذ الجامعي، عبر حسابه الرسمي بموقع التواصل الاجتماعي "فيسبوك": "هل لأن كل أصحاب المهن دول مش واعيين للى بيحصل في مجال عملهم؟ لا طبعاً، ولكنهم ببساطة بيحافظوا على صورة مهنتهم أمام الآخرين وأمام المجتمع كله، بس هى دي كل الفكرة والحكاية".

وختم منشوره، قائلًا: "أرجوكم، بلاش نقلل من قيمتنا ونفسنا أكتر من كدا، مش علشان أي زميل غلط، ومعظمناعلى يقين أنه كان حسن النية، يبقى نشير بوستات اتهام أو نعلق مطالبين بأقصى الجزاءات".

الجدير بالذكر أنه تم تداول فيديو على مواقع التواصل الاجتماعي لأستاذ جامعي بجامعة المنصورة يخلع ملابسه أمام عدد من الطلاب الجدد داخل المدرج.