"بتخطف الشنط وتحدف بالطوب".. فتاة تثير رعب طالبات الأزهر بالقاهرة
اشتكت عدد من طالبات جامعة الأزهر بالقاهرة، من وجود فتاة تقذف الطالبات الحجارة، وتقوم بخطف متعلقاتهم رغما عنهم، أمام البوابة الرئيسية لفرع البنات بمدينة نصر.
وقالت طالبة في منشور لها على صفحة المدينة الجامعية بجامعة الأزهر، "أول موقف من يومين طالعة من الجامعة الساعه ٥، قاعدة عند النافورة مستنية الأتوبيس لقيت البنت دي، تحدف البنات بالطوب وبتقول ألفاظ وحشة جدا للبنات والشباب، كانوا بيحوشوها عن البنات، بس هي بتجري مش بتقف".
وأضافت "البنت بتطلع الميكروباصات تاخد أي حاجة من أي حد غصب عنه، وطبعا آخر النهار العدد على المحطة ما بيبقاش زي الصبح، وبعد شوية جت قعدت جنبي وعايزة مني فلوس بالعافية، ومدت إيدها عليا لما قولتلها ابعدي عني".
وتابعت "هي مش مجنونة ولا أي حاجة وده بشهادة كل اللي واقفين وسواقين المكروباص عارفينها، وفضلوا يقولوا إنها عاقلة مش مجنونة، وأنها بتعمل كده على طول".
وأضافت "الموقف اتكرر تاني النهاردة، ونفس البنت ضربت ست كبيرة على المحطة وشتمتها وجريت ومحدش اتحرك".
واختتمت الطالبة شكواها " "أتمنى الكلام دا يوصل للدكتور محمد المحرصاوي رئيس جامعة الأزهر".
