طالبات "أسنان الأزهر" يطالبون بالدراسة مع البنين.. لهذا السبب!
أرسلت طالبات طب الأسنان بجامعة الأزهر فرع القاهرة، استغاثة الى الدكتور محمد المحرصاوى رئيس الجامعة، للمطالبة بتوفير أماكن للدراسة.
وقالت الطالب فى استغاثتهن:"نظرا لطبيعة دراستنا كطلبة أسنان بتعتمد على شغلى بإيدي وشغلى العملى.. ازاى يتطلب منى إنى أستحمل أكون مع أكتر من 65 بنت فى السكشن فى معمل إمكانياته بالكتير 25 بنت بس".
وتابعن الطالبات:"حتى أبسط حقى وهو إنى أخش السكشن والاقى كرسى وفيشة للأجهزة بتاعتى وإنى أشوف الدكاترة وهم بيشرحو مش متوفرة بالنسبالى .. ليه اتحمل مسؤلية تصرف أنا مليش ذنب وهو قبول أعداد فوق طاقة الكلية !"
واختتمن الاستغاثة:"بنطلب من فضيلتكم دكتور المحرصاوى رئيس جامعة الأزهر توفير أماكن لطلبة طب اسنان بنات دفعة 2022/2023 ودفعة 2023/2024 في طب أسنان بنين حيث يتواجد هناك مبنيان لطب الأسنان على أن يكون لنا أياماً مخصصة أو مواعيد أو أماكن مخصصة للبنات حتى يتسنى لنا فرصة تلقى تعليم أفضل وأكثر إتقاناً أو إيجاد حل آخر فنحن أبناء الأزهر ونحمل إسمه".
