طالبات الأزهر عن مشروع "دراجة لكل طالب": نوافق بالزى الشرعى
أعلنت وزارة التعليم العالى، على موافقة المجلس الأعلى للجامعات على مقترح المشروع القومي للدراجات، وأنه جار تشكيل لجنة متخصصة في كل جامعة لتنفيذ هذا المشروع بالتنسق مع الاتحاد الرياضي المصري للجامعات.
وأضحت الوزارة، أن هذا المشروع سوف يعرض في الجمعية العمومية للاتحاد الرياضي الشهر المقبل استعدادًا لبدء تنفيذ المشروع في جميع الجامعات مع بداية العام الدراسي المقبل.
ولفت التقرير إلى أن هذا المشروع يسمح بتوفير دراجات فى الجامعات المصرية تكفي احتياجات قطاع كبير من الطلاب، والعاملين وأعضاء هيئة التدريس، ومعاونيهم، بحيث تكون الدراجة وسيلة الانتقال داخل وخارج الجامعة.
تباينت أراء طالبات الأزهر حول ركوب الدراجة ومشروع الدراجات القومى الذى أعلنت عنه وزارة التعليم العالى، واختلفن حول ألية الركوب وطرق توفيرها لهم وموافقة الأهل من الأساس على هذا المقترح أم لا.
وقالت احدى الطالبات، بما إن ركوب العجل للبنات ومفيش بنت هتعرف تركبها غير اللي لابسه بنطلون فقط وطبعا أزهر يعني بناطيل لأ فشكلهم كده بيمهدوا إن كل شاب ياخد بنت وراه ع العجله يوصلها وبعد كده يروح كليته.
وقالت الطالبة أميرة محمد :" أنا شوفت أم ومعاها طفلين ولابسه خمار وراكبه عجله ومفيش حاجه من جسمها باينه خاااالص كانت لابسه ملابس واسعه حتي رجليها مش باينه خاالص اه وربنا اشطه يا جماعة عادى موافقة بس بالزى الشرعى".
وأكدت الطالبة مريم خاطر، أنها تقبل الفكرة :"اقبل والله" وقالت نيره ناجى:" ياااريت بس مش بالمبلغ اللي بيقولوا عليه دا لو بلاش ماشي ..هروح بيها وارجعهالكوا تاني".
وقالت الطالبة أية محمود:" يا ريت يبس بسندات"، وقالت سارة شاهين:"اه اروح بعجله و ماله ده انا بفرهد فى الأتوبيس و ساكنه فى مدينه نصر".
وأضافت ايمان على:" طب والمنتقبات هيعملوا ايه دلوقتى" وقالت اسراء أحمد:" احنا عاوزين عجله تخيلي منظرنا واحنا ماشين ب العجله في المجمع ب النقاب".
