قبل حفل حماقي.. رئيس جامعة القاهرة يعطي النصائح الـ 11 لطلابه.. ومفاجأة تنتظرهم في 24 إبريل

قال الدكتور محمد عثمان الخشت، رئيس جامعة القاهرة، إن الحفل المقرر انعقاده غدًا الثلاثاء، بمثابة حفلة كبيرة في حب مصر وجامعة القاهرة، منوهًا أنه على طلاب الجامعة المحافظة على مظهر الجامعة جيدًا.

وأوضح الخشت، عبر حسابه الشخصي على موقع التواصل الاجتماعي "فيس بوك" ، أن "حفلة بكرة، مش أي حفلة، دي حفلة كبيرة في حب مصر وجامعة القاهرة، عشان كده عاوزنها تخرج بالمظهر المشرف اللي يليق بيك وبيا وبمصر وبجامعة القاهرة". 
وقدم رئيس الجامعة 11 نصيحة للطلاب على النحو التالي:

1- الجامعة هتوفر 7 شاشات عرض في الجامعة كلها، علشان نقدر نستوعب أكبر عدد من الطلبة من غير تزاحم ومن غير مشاكل أو تعريض حياتهم للخطر.

2- الحفل مجاني لطلاب جامعة القاهرة فقط و لا توجد دعوات للحفل نهائيًا.

3- التعاون مع الأمن الإداري بالجامعة والإلتزام بالتعليمات في الدخول والخروج لإنهاء الحفل بشكل بحضاري.

4- الإلتزام بتقاليد وأعراف الجامعة.

5- ممنوع دخول الألعاب النارية أو أي ممنوعات، ولا تهاون مع أي متجاوز.

6- دخول الحفل هيكون من بوابات محددة لتسهيل عملية الدخول والخروج.

7- الجامعة هيكون فيها سيارات إسعاف في حال تعرض أحد لأي مكروه لا قدر الله.

7- الطلبة والطالبات اللي حضرين معاكوا دول زمايلكم واصحابكم واخوتكم نحافظ عليهم ونترك لهم مساحة كافية للاستمتاع بالحفل دون حدوث مضايقات لهم
8- الخروج عن القواعد سيقابل بمنتهي الحزم ، ولا تهاون مع أي مقصر.

9- من حقك وحقي نفرح ونستمتع بالحفل ونعبر عن فرحتنا بالتصفيق والتفاعل والتناغم في ضوء تقاليد جامعة القاهرة التي نفخر بالانتماء لها.

10- ممنوع دخول أي فرد او طالب او اي شخص من خارج جامعة القاهرة. فالحفل مقصور علي أبناء جامعة القاهرة. ومن يتم تواجده من غير طلاب الجامعة يعرض نفسه للمسؤولية القانونية.

11- في حالة وجود تعب لأي شخص أو اختناق من الزحمة،  وده اللي أحنا مش عاوزينه.. عاوزين نسمح بوجود مسافات للتنفس. واللي يحس إنه تعبان وعنده ضيق نفس هيكون عربات الأسعاف موجوده بكثرة لعمل اللازم، وجميع عيادات الكليات تعمل بكل طاقاتها.

وختم رئيس الجامعة نصائحه: "عاوز الحفلة تكون مظاهرة في حب مصر و تأكدوا أن دي مش آخر حفلة في الجامعة، واللي مش هيقدر يحضر المرة دي هعوضهاله وهيحضر المرة الجاية، الحفلة هتبدأ الساعة 6 إن شاء الله بحوار مع نجوم مصر حازم أمام وعماد متعب، بعدها حوار لنجوم مسرح مصر، وهتختتم بحفل غنائي للفنان محمد حماقي وهعلن لكم عن مفاجأة أخرى يوم 24 إبريل الجاري".