الأربعاء 11 نوفمبر 2026 الموافق 01 جمادى الثانية 1448
رئيس التحرير
شيماء جلال
عاجل
جامعات

نائب وحدة مناهضة العنف بجامعة القاهرة تُبدى استياءها من إعلان الصحة

كشكول

اعترضت الدكتورة غادة على المدير الإقليمى للنادي النسائى الدولى بنيويورك، ونائب مدير وحدة مناهضة التحرش والعنف ضد المرأة بجامعة القاهرة، علي إحدي إعلانات وزارة الصحة التي تنص علي التعدد السكاني، قائلة "اعتراض الأم مش تركة والتربية مشاركة، بلاش نهمش دور الأب لأن كتير بيكون سند لأولاده وبيته، تهميش الأب عنف ضده زي ما هو عنف ضد الأم".

وقالت "علي": "محتاجين نرجع أخلاقياتنا الأصيلة وإحنا بنصمم الحملات وأساليب الدعاية، لإنها بتكون رسائل موجهة، والحقيقة مش قادرة أمسك نفسي قدام الإعلان ده وخاصة إنه من جهة حكومية ومسئولة زي وزارة الصحة، الأفضل تكون الصورة لأم وأب مع بعض علشان الكل يحس بمسئولية التربية ومخاطر زيادة العدد".

وتابعت نائب مدير وحدة مناهضة التحرش والعنف ضد المرأة بجامعة القاهرة، قائلة "طول ما بننزل إعلانات فيها إيحاءات بعدم المساواة وعدم المشاركة، وبقول الأم هقسمها على كام طفل يبقي عمرنا ما هنتقدم، وعمر الأب ما هيحس بمشكلة ومخاطر كثرة الإنجاب لإنه ببساطة مش في الموقف".

واختتمت علي، "قواعد اللعبة اختلفت، وأساسيات التربية مبقتش أكل وشرب ولبس بس، بقى فيها المحافظة على سلوك الأولاد من كل العوامل الخارجية اللي كلنا عارفين مخاطرها لازم الكل يشارك".