انذار زلزال على الموبايلات.. التفاصيل الكاملة لتحذيرات الأجهزة الحديثة
يبحث الكثير من المواطنين الآن عن انذار زلزال على الموبايلات ؛ حيث تلقى الكثير منا انذار الزلزال على الموبيل قبل حدوثه بثواني معدودة، وهو زلزال قوي قوته 5.7 مركزه بعيدا عن السويس ب ٢٩ كيلومترا وشعرنا به في القاهرة بوضوح شديد اليوم الاثنين ٣ أغسطس ٢٠٢٦
انذار زلزال على الموبايلات
ونشرح لكم تفاصيل انذار زلزال على الموبايلات وازاي التليفون عرف ان في زلزال
فيما يخص انذار زلزال على الموبايلات الموضوع ببساطة برنامج اسمه Android Earthquake Alerts System وشغال من 2020.
ازاي بيشتغل؟
1. موبايلك هو جهاز قياس الزلزال:
كل موبايل أندرويد فيه سنسور اسمه Accelerometer اللي بيخلي الشاشة تلف لما تقلب الموبايل. نفس السنسور ده حساس جدا للاهتزاز ويقدر يبقى سيسموجراف صغير.
لما الموبايل يكون ثابت ومش بتستخدمه ومتوصل بالشاحن، لو حس باهتزاز غريب شبه اهتزاز الزلزال، بيبعت اشارة لسيرفر جوجل مع مكانك التقريبي.
2. السيرفر بيجمع من الكل:
موبايل واحد لوحده مش كفاية. السيرفر بيستنى يشوف مئات او آلاف الموبايلات في نفس المنطقة بعتت نفس الاشارة في نفس الثانية. ساعتها بيتأكد انه زلزال فعلا مش عربية نقل معدية.
3. ليه جالك الانذار قبل ما تحس بيه بدقيقة؟
الزلزال بيطلع منه نوعين موجات:
• P-Wave: موجة سريعة وخفيفة، بتوصل الأول ومش مدمرة، ودي اللي الموبايلات بتلقطها.
• S-Wave: موجة بطيئة ومدمرة، هي اللي بتهز العماير بجد.
النظام مش بيتنبأ بالزلزال قبل ما يحصل، هو بيكتشف الـ P-Wave بعد ما الزلزال بدأ فعلا في المركز بتاعه، وبسرعة يبعت تحذير لكل الناس اللي في المدن البعيدة عن المركز.
فلو مركز الزلزال بعيد عنك 100-200 كيلو، الـ S-Wave هتاخد 30-60 ثانية عشان توصلك، فانت هتشوف النوتيفيكيشن قبل الهزة الجامدة بدقيقة. لكن لو انت جنب المركز، هتشوفه قبلها بثواني بس.
عشان كده كل موبايلات الأندرويد اللي حواليك رنت في نفس اللحظة، لأن جوجل عندها اكبر شبكة رصد زلازل في العالم - اكتر من 3 مليار موبايل.
عايز تتأكد انها شغالة عندك؟
Settings > Safety & emergency > Earthquake alerts
لابد تكون مفعلها ويكون ال location
لماذا يصلك التحذير قبل الزلزال؟
إذا وصل التحذير قبل نحو 20 ثانية من الشعور بالهزة، فهذا يعني أن الزلزال كان قد بدأ بالفعل في منطقة أخرى، وأن النظام تمكن من رصد الموجات الأولية وإرسال التنبيه قبل وصول الموجات الثانوية الأقوى إلى موقع المستخدم.
اقرا ايضا
فيديوهات زلزال اليوم في مصر.. هزة أرضية تثير الذعر بالسوشيال ميديا
فيديو لحظة حدوث زلزال السويس اليوم.. التفاصيل الكاملة عن مكان وتوابع الزلزال
