أحمد حسن راوؤل يكشف تفاصيل تكريمه من جامعة عين شمس
كشف المطرب أحمد حسن راوؤل تفاصيل تكريمه مه جامعة عين شمس، وقال عبر صفحته الرسمية علي الفيس بوك:"من سنين قريبة كنت انا واحد من الطلاب الواقفين دول.. كنت بسقف بفخر للفنانين الكبار أكرم حسني واشرف عبد الباقي وهاني سلامة ومحمد صبحي وغيرهم وغيرهم اللي الجامعة كانت بتكرمهم ووالله كنت بقول جوايا "في يوم هكون هنا عالمسرح وبتكرم نفس التكريم"..
وأضاف:" النهاردة جامعة عين شمس -اللي اتشرف اني أحد خريجينها- بتكرمني بمناسبة تخطي اعمالي الوطنية -الرسمية- ٣٠ اغنية في أهم مناسبات الوطن وبحضور الجمهور الفظيع ده ".
واستكمل:"النهاردة افتكرت كل لحظة تعب وشقى تعبتها عشان اقدر اقف في المكان ده.. وشايف قدامي العدد المهول اللي اكيد فيهم اللي احسن مني مليون مرة وفي يوم هيكون مكاني لو فضل مكمل سعي وجهد وتطوير واستمرارية.. شكرا اسرة طلاب من أجل مصر.. شكرا ادارة الجامعة وموظفينها وعمالها وأمنها وحرسها وطلابها على الاستقبال الرهيب ده ".
