أول الجمهورية للدبلومات الفنية: "نفسي أكمل هندسة وأحقق حلم ابويا"

قال الطالب بولا عاطف فتحي ، الحاصل على المركز الأول بدبلوم الدراسة الفنية الصناعية المتقدمة نظام الثلاث سنوات بمدرسه صالح عوض الله برأس غارب بمجموع98.5%، إنه لم يكن يصدق نفسه حال سماعه النتيجة حينما أبلغوه أنه الأول علي مستوى الجمهورية، لما كلمني المستشار أحمد الجيرشي مساعد وزير التعليم وباركلي أني الأول علي مستوي الجمهورية.

وأضاف الأول علي الجمهورية لـ"كشكول"، : "كان لدي حلم عايز أحققه وكنت بتوقع إني اطلع الأول علي المحافظة مش أول الجمهورية.

وعن طريقة المذاكرة، قال "كنت بذاكر أربع أو خمس ساعات في اليوم بس كنت بركز فيهم، وكان والدي دايما بيشجعني ويقولي إني أمله الوحيد اللي نفسه يشوفه حاجة كبيرة".

وأضاف بولا، نفسي أحقق حلم والدي وادخل هندسة وإن شاء الله هحقق حلم والدي وأمي، وأرد جزء من اللي عملوه معايا".

ومن جانبه، قال عاطف فتحي نبيه والد الأول علي الجمهورية "ابني كان متوقع إنه يطلع الأول علي المدرسة "وفجأني إنه أول الجمهورية".

وتابع كنت دايما بدعمه واشجعه وطلبت منه يفرحني وينصرني قدام الناس وهوا طلع راجل ورفع راسي جدا ، اما عن والدة بولا فانهارت من البكاء من الفرحه بنجاح ابنها .