"أمهات مصر" يكشف عن برنامج أولياء الأمور الخاص بأبنائهم خلال إجازة الصيف

قالت عبير أحمد مؤسس اتحاد أمهات مصر للنهوض بالتعليم، أن أولياء الأمور قرروا عمل برنامج صيفي لآبنائهم الطلاب بعد المجهود الذي بذلوه خلال العام الدراسي المنتهي، حيث قرر عدد كبير من أولياء الأمور التركيز علي تحفيظ القرآن الكريم والحصول علي كورس رسم وبالية وجومباز، إضافة إلي زيارة مكتبة مصر العامة.

وأضافت عبير أن هناك أنشطة أخري مثل قراءة القصص وممارسة رياضة كرة القدم، والمشاركة في النادي الصيفي التابع للمدرسة حيث به أنشطة رياضية وتعليمية ورسم وحفظ قرآن وتدبير منزلي وأشغال فنية، فيما رآي ولي أمر أن الإجازة قصيرة بالمقارنة بطول السنة الدراسبة ولكن سنقضيها في كرة القدم والساحل الشمالي.

بينما قرر البعض الآخر استغلال الإجازة الصيفية في ممارسة السباحة إضافة إلي كورسات انجليزي وفرنساوي، وقرر آخرين الاشتراك في المراكز الاستكشافية التابعة لوزارة التربية والتعليم التي تتضمن أنشطة عديدة مثل الرسم والروبوت وأنشطة تعليمية أخري.

وقال أحد أولياء الأمور: "مطلوب سواء للأولاد  الأسر اللى تعبت كتير جدا الفتره اللى فاتت، من بعد إجازة العيد الصغير لو كل أسبوع نكتب موضوع واحد بس تعبير هتلاحظوا الفرق جدا السنه الجايه ان شاء الله، وحمل هم كبير هتكونوا فعلا حليتوا مشكلته ازاى نكتب موضوع تعبير بشكل جيد، والاولاد بلاش نسيبهم طول الاجازه لعب بس وموبايلات وتابلت وتليفزيون، وكل اسره تحاول تشوف حد كويس يحفظ اولاده قرآن او فى اى مسجد ده هيظبط لسان الاولاد جدا وكمان مش هيخلى عضلة المخ تسترخى اكتر من اللازم، يعنى شئ بسيط من النشاط الذهنى ولو ساعه أو اكتر شويه كل اسبوع، يا سلام لو كل ام تخلى بنتها تشارك شويه فى أعمال البيت اولا انتى هترتاحى شويه وفى نفس الوقت البنت من صغرها لازم تتعلم اللى يناسب سنها، ولو ولد برده يعمل اللى ممكن يقدر يعمله مشاركه فى امور البيت وكل أسره طبعا عارفه كويس امكانيات كل ولد وبنت من أفراد الأسره".

وتابع: "بلاش وحذارى من السهر لغاية الصبح كل يوم والاولاد يصحوا بعد العصر، قلبنا الليل نهار والنهار ليل، كده المخ والساعه البيولوجية بتتلخبط تماما، نسهر شويه اه احنا فى اجازه وننام شويه برده كويس   بس مش طول النهار يعنى  لو نشوف أي نشاط رياضى الاولاد والبنات يقدروا يعملوه يبقى هايل،  لو حد عنده الاستعداد والرغبه يشترك لأولاده فى أي سنتر تعليم لغه انجليزيه جميل جدا طبعا، المهم نستغل الاجازه بشكل أو بآخر حسب امكانيات كل أسره".