الخميس 28 مارس 2024 الموافق 18 رمضان 1445
رئيس التحرير
شيماء جلال
عاجل
مدارس

بالصور.. أولياء أمور مدرسة بالمنتزه يشتكون من عدم نظافة الفصول

كشكول



تداول أولياء أمور طلاب مدرسة عبد الرازق عبد المجيد الرسمية لغات التابعة لإدارة المنتزه التعليمية بالإسكندرية، على صفحات التواصل الاجتماعي "فيس بوك" صور من داخل إحدى فصول المدرسة، حيث أثبتت الصور عدم نظافة الفصول وكمية الزبالة الملقاه أسفل الديسكات وخلف الباب، بجانب اتساخ أرضية الفصل، وايضا اتساخ الديسكات وعدم دهانها بالرغم من قدمها، وعلق أولياء الأمور قائلين: لكم ان تتخيلوا وضع أولادنا في مدرسة بهذا الشكل، ولكم ان تتخيلوا كم الامراض والحشرات اللي أولادنا بيتعرضولها. 

تقول أسماء محفوظ ولي أمر أحد الطلاب: "للأسف هذا الوضع من أول يوم دراسي بل كانت اسوأ بكثير من ذلك، ففي اليوم الأول ١١/٩ وجدنا أرض الفصول متغطية بتلال من الزبالة اللي ما اتلمستش من لجان الثانوية العامة، والارض سودا من كتر الوساخة اللي عليها والديسكات مصوفة ومعفنة والحمامات اللي ريحتها واصلة للفصول اللي فوقيها".

وأكدت أن الأولاد كل يوم بتلم الزبالة بإيدها من تحت الديسك وتلمس الأرض بجانب أنهم فعلا بيرجعوا بالأكياس بتاعة الساندويتشات والحاجات الحلوة في شنطهم بناءا علي تنبيهات امهاتهم.

وأوضحت محفوظ السنة الماضية قمنا بتبيض ثلاثة فصول بالكامل ومسحنا الأرض بمية النار وغلفنا الحوائط بالكامل، فالظاهر أنهم أعتمدوا علينا كعمال نظافة متطوعين كل سنة.

وتابع: أرسلت لكل الشخصيات اللي بتزور المدرسة الصور القذرة ديه علشان يعرفوا أن بيتضحك عليهم بالأماكن النضيفة اللي بيستقبلوهم فيها، وفي النهاية كلكم راع وكل راع مسئول عن رعيته.

فيما أكدت شيماء جمال ولي أمر، أنه لا يوجد مدير فى المدرسة، وعلمنا أن المدير في إجازة مرضية طويلة، لذلك الكل مش بيتعامل بضمير.

واضافت جمال: "ماذا يفعل أولياء الأمور هنظف فصول ولا هنظف حمامات، ولا هنشترى ديسكات لاولادنا يقعدوا  عليها علشان الفصل الكثافة معدية ال115 طفل ومش لاقين مكان للولاد تقعد فاقعدين فى الأرض وسط القاذورات دى ولا هندى دروس خصوصية عشان المدرس للأسف مش عارف يشتغل فى الفصل من كتر الكثافة ولا هنشترى كتب خارجية للدروس الخصوصية عشان لحد دلوقتى كتب الوزارة النظام الجديد بمنهجها الجديد لسة مطبعتش أصلا".