"لو في المصيف وعايز تقضي يوم رائع".. تعرف على نصيحة استشاري الجلدية
نشر الدكتور هاني الناظر، أستاذ الأمراض الجلدية ورئيس المركز القومي للبحوث سابقًا، عبر صفحته الشخصية على إحدى مواقع التواصل الاجتماعي "فيس بوك" روشتة للأسرة المصرية لقضاء يوم رائع بالشواطئ قائلآ:" النشرة الجوية تقول ان النهاردة الجو رائع علي كل شواطئ مصر وحضرتك قررت تقضي يوم اجازة حلو علي البحر .. طيب تعمل ايه علشان تستمتع بيوم هادئ من غير ما حاجة تعكنن عليك ؟".
وتابع الناظر، أقول لحضرتك تعمل إيه .. أولاً وأنت نازل من البيت رايح الشاطئ تلبس ملابس قطن بيضاء وكاب او برنيطة علي راسك ونظارة غامقة علشان تحمي نفسك من الشمس.
ثانياً خلي معاكي زجاجة مياه تشرب منها انتي وأطفالك كل شوية وطول النهار.
ثالثاً وانت قاعد تحت الشمسية أحرص كل شوية علي حك قدمك في الرمال علشان تتخلص من الجلد الميت والفطريات الموجودة بين أصابع القدم.
رابعاً لو عاوز تستمتع بأشعة الشمس البنفسجية وتحصل علي فيتامين د اقعد في الشمس بعد الساعة اربعة العصر علشان ما تتعرضش لحروق الشمس وفي نفس الوقت تستفيد.
خامساً لو حضرتك آنسة أو سيدة وخايفة على شعرك من ملوحة البحر ممكن ندهن الشعر بزيت اللوز الحلو قبل النزول للمياه، وبفكر حضرتك بلاش المكياچ وانتي ماشية أو قاعدة في الشمس علشان مايتركش بقع سمراء علي الجلد .
سادسا وأخيراً واحنا راجعين من على البحر بلاش السير والقدم حافية خوفاً من شوكة في الأرض أو حاجة مكسورة تجرح القدم وتعمل لنا مشاكل .
