شوقي: " اللي كان بيحصل السنين اللي فاتت مكنش تعليم"

أكد الدكتور طارق شوقي، وزير التربية والتعليم، أن الوزارة تستمع لكافة شكاوى الطلاب وأولياء الأمور من امتحانات الصف الأول الثانوي التي أجريت إلكترونياً، قائلاً: "احنا بنسمع الشكوى من أول مرة وبنستجيب لها والسنة اللي جاية كل الشكاوى دي هتختفي".

جاء هذا خلال المؤتمر الصحفي، الذي عقد اليوم الاثنين؛ لكشف تفاصيل امتحانات الصف الأول الثانوي ومعدلات التقدير، وموقف أعمال الامتحانات الإلكترونية والورقية واستعدادات الوزارة للتطبيق الكامل للنظام. 

وقال الوزير، إن الهجوم على ماتفعله الوزارة بالصف الاول الثانوي غير مبرر؛ لأن الوزارة أعلنت كل شيء منذ البداية: " أول ما جيت في 2016 قولت هعمل نظام جديد للتعليم من رياض الأطفال ونفذت، وقولت هعدل نظام التقييم في أولى ثانوي وعدلته، وقولت هدمج التكنولوجيا بالعملية التعليمية ووفيت بوعودي، ووثيقة البنك الدولي والتعاون مع الجايكا، معلنين تقدروا تدخلوا عليها وتعرفوا إحنا بنعمل إيه إحنا مش مخبيين حاجة عن حد".

وشدد وزير التربية والتعليم، على أن إدارة منظومة الامتحانات الإلكترونية كان ورائها الآلاف من المصريين الذين قاموا بجهد كبير: "اللي بنعمله ده علشان المستقبل، احنا لازم نتحول من طريقة الحفظ لطريقة الفهم، الدوا صعب بس لازم نتحمله، لإن اللي كان بيحصل السنين اللي فاتت مكنش تعليم".