رئيس التحرير
شيماء جلال

بالفيديو.. ممرضات معهد السكر يعتدين على طالبة علاج طبيعي ٦ أكتوبر

الخميس 18/أبريل/2019 - 01:18 م
كشكول
أحمد كمال
طباعة

اشتكى عدد من طلاب كلية العلاج الطبيعي لجامعة ٦ أكتوبر، من اعتداء الممرضات بالمعهد القومي لأمراض السكر والغدد الصماء علي طالبة بالفرقة الثالثة بالكلية بالضرب والسب، وذلك أثناء تدريب الطلاب بالمعهد.

ونشر الطلاب علي صفحتهم الشخصية علي موقع التواصل الاجتماعي "فيس بوك"، "احنا مش بننزل راوندات ونتمرمط في مواصلات من أكتوبر للقاهرة عشان فى الآخر يحصل فينا كده، الكلية والجامعة لازم يأخذو موقف من اللى حصل ده".

وأضاف الطلاب، أن سبب حدوث المشكلة بين الطالبة والممرضة هو طب الطالبة لشيت مريض، موضحين أن الممرضة قالت للطالبة "انتي ملكيش حق في دا استني لما اخلص الفطار"، مشيرين إلي أن أمن المعهد حاولوا التهجم عليهم أثناء دفاعهم عن صديقتهم.

وأوضح الطلاب أنه كان هناك أحد الشهود الذي اقر أن الممرضة هي من أفتعلت المشاكل مع الطالبة أولاً، مضيفين "مدير المعهد قالنا خلوها تتصالح وحصل خير، واحنا مشيها والكاميرات متعطلة، وأن معرفش الممرضة ممكن تستناها برا وتضربها بأي سلاح وهيكون مليش دعوة بأي حاجة تحصل برا المستشفي".

 وأشار الطلاب، إلي أن أفراد الأمن طالبوا الطالبة علي الإمضاء علي محضر الصلح لتركها تخرج من المعهد دون وقوع الكثير من المشاكل من قبل الممرضات، قائلين "اللي حصل دا مش إهانة لشخص واحد بل إهانة لينا كلنا ممكن يحصل لأي حد فينا في يوم من الأيام".

من جانبه، قالت الدكتور هويدا فودة المعيدة بكلية العلاج الطبيعي جامعة ٦ أكتوبر، إنه تم التعرض لطالبة بالسكشن  للضرب والإهانة  والتهديد من قبل ممرضات المعهد، مضيفة "الممرضات لما حاولنا نحمي البنت من أيديهم علي مسمع مني قالت أنها هتضربها لحد الموت ومش هتخليها تخرج من المعهد".

وأضافت فودة، قائلة "الممرضة عورت نفسها واتهمت الطالبة بأنها اعتدت عليها، وباقي الطلبة الأمن اتعرض لهم وحصلت مشادات، لافتة "للأسف نائب مدير المعهد تدخل ولكن مكنش منصف أبدا ومدير العيادات بقو يتكلمو في أمور إدارية ثانوية بدون البت في الأمر أو أنهم يشوفو الفيديو إليّ سجل الواقعة عندهم في المعهد فيحكمو بشكل منصف مين الجانى".

وتابعت فودة، قائلة "نائب مدير معهد السكر لما اتدخل بعد واقعة ضرب الطالبة، عشان كانت بتسأل علي ملف المريضة اللي شغالة معاها والممرضه رفضت، و معجبهاش طريقة الطالبه فضربتها، قال ولية أصلا طلبة العلاج الطبيعي يشوفو ملف العيان انتم مالكم بيه".


 

الكلمات المفتاحية

ads