الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أزهر

استغاثة عاجلة من طالبات المدن الأزهرية لـ «المحرصاوي»

أرشيفية
أرشيفية


تظلمت طالبات المدن الجامعية بجامعة الأزهر فرع القاهرة، من الإهمال الطبى فى المدن والتعامل السئ مع الطالبات من قبل أطباء المدينة.

وقالت إحدى الطالبات: "وحدة صاحبتي في الاوضة كانت تعبانة جدا والله ومش قادرة تتحرك من على السرير اول ما حاولت تقوم بس وقعت رحت قلت للمشرفة مكنش فيه دكتورة في المبنى فرحت مبنى تاني رحت للدكتورة وقلتلها حالتها وانها مش قادرة تيجي وكدة قالتلي لازم اشوفها وهي تيجي مش هينفع انا اروحلها والادوية كلها هنا ورفضت الذهاب معنا".

وتابعت الطالبة:"رجعت تاني وسندناها وحملها كله كان علينا لانها فعلا مكنتش قادرة ورحنا للمبنى فضلو موقفنا حبة لغاية ما فتحو وهي مش قادرة الدكتورة قالت طلعوها للاوضة فسالتها حاسة بايه جيت ارد قالتلها اتكلمي انتي وبعدين ادتها حبيتين ميساعدوش اصلا  قلتلها يا دكتور لو سمحتي ممكن تديها حاجة اقوى عشان عندها امتحان يوم السبت قالتلي معنديش حاجة اكتر من كدة".

وأضافت الطالبة: "طب هي دي الرحمة اللي المفروض تكون عند الدكتور؟؟ بلاش دكتور طب حتى انسان ما احنا بشر برضه والله بيعاملونا كاننا هوامش طب ما احنا متغربين وبعيد عن اهالينا المفروض يكون فيه رحمة عند كدة ليه المعاملة دي والله الدكتورة بطريقتها كانت سيئة جدا وازاي ميكونش فيه دكتورة في المبنى اصلا. وفي الاخر ولا حاجة حصلت والبنت زي ما هي واحنا مش عارفين نعمل ايه".