رئيس مجلس التحرير
د. محمد الباز
رئيس التحرير التنفيذي
شيماء جلال

" أمهات مصر": طلاب الثانوية الجديدة "شغالين علي قديمه".. وعلي الوزارة حل المعوقات

الخميس 01/نوفمبر/2018 - 10:40 ص
كشكول
نورهان عبدالرحمن
طباعة

كشف اتحاد أمهات مصر للنهوض بالتعليم، مجموعة من الشكاوي والمعوقات التي واجهت أولياء الأمور ممن يعانون من تطبيق نظام الثانوية العامة الجديد، مطالباً وزارة التربية والتعليم سرعة المعالجة ورفع المعاناة من أجل انضباط العملية التعليمية ونجاح النظام الجديد.

وقالت عبير أحمد، مؤسس اتحاد أمهات مصر للنهوض بالتعليم، إن الاتحاد رصد مجموعة من الشكاوي والمعوقات واجهت أولياء أمور وطلاب الصف الأول الثانوي المطبق عليهم نظام الثانوية العامة الجديد، أبرزها عدم شعور الطلاب بأي تطوير ملحوظ وملموس حتي الآن، إلي جانب عدم تدريبهم علي نظام الإمتحانات الجديدة.

وتابعت، الشرح في المدارس بالنظام القديم كما هو، إضافة إلي جعل المواد ممتدة طوال العام وهو ما يمثل عبء عليهم، وزيادة الدروس الخصوصية لعدم استيعاب وفهم الطالب للشرح داخل الفصل،مناشدة وزارة التربية والتعليم بسرعة العمل علي معالجة جميع المعوقات التي تواجة أولياء الأمور لرفع المعاناه عنهم ومن أجل انضباط العملية التعليمية ونجاح نظام التعليم الجديد.

فيما تفاعل أولياء الأمور علي صفحة اتحاد أمهات مصر للنهوض بالتعليم بموقع التواصل الاجتماعي "فيس بوك"، لعرض أبرز المعوقات التي واجهتهم منذ بداية العام الدراسي وحتي الآن خاصة لطلاب الصف الأول الثانوي المطبق عليهم نظام الثانوية الجديدة.

وقالت إحدي أولياء الأمور: "المشكلة إن المدرسين في دنيا تانية ومش فاهمين حاجة اصلآ علشان احنا نعرف ومريحين نفسهم خالص من موضوع الشرح، بيقولوا عناوين واقلب  الدرس مش بيشرحوا حتي بربع كفاءه اي مدرس  بيدي في أي سنتر، والمشكلة مش كثافة ابدآ بدليل اننا بنلاقي اي مستر في سنتر بيشرح ويقدر يوصل المعلومة برغم العدد الهائل اللي موجود في القاعة علي اجماع الطلبة، فيا حضرت الوزير اذا سمحت لما اجي اطور التعليم من باب اولي اهيئ وادرب المدرس وأعلي مستواه ويكون في متابعة ومراقبة عليه ويأخد بشكوي الطلاب عندما يوجد معلم لا يؤدي دوره علي أكمل وجه وعدم وجود ضمير او بيشرح علي اد فلوس الحكومة زي ما في منهم بيقول والله لو قبض بالدولار مفيش فايدة ده طبع لأنه السبب في كل فشل المنظومة دي، طبعآ أنا مش بعمم، إلا من رحم ربي، اكيد في مدرسين محترمين وعندهم ضمير لكن للأسف أقلية، أصبحت المدرسة تضييع لوقت ومجهود الطالب وبقت عبئ عليه مش العكس للأسف، وبعدين طريقة الامتحان اللي محدش عارف عنها حاجة دي ايه ولا التابلت اللي الوزير صرح إن الطالب هيستلمه من أول يوم ده فين!، كمان موضوع العلمي علوم ورياضة اللي حيتلغي ده ليه يعني ايه هدفه؟".

وأضافت أخري: "مفيش شغل في المدارس اطلاقا، لا يوجد أي تطوير، أين تدريب الطلاب علي الامتحانات الاونلاين؟، أين تعويد الطلاب علي امتحانات الopen boo، ونظام التعليم كما هو، ولا يوجد أي شغل في المدارس مع ضرورة الالتزام بالحضور، ودروس ف كل المواد، ولا يوجد وقت للطلبه للمذاكره"، واستكملت أخري: "احنا لغاية دلوقتي الشرح في المدارس بالنظام القديم لا جديد سوي إنهم أخبروا الطلبة بإن في امتحانين في الترم والطلبة مرهقة ومش ملاحقين الدروس".

بينما ذكرت إحدي أولياء الأمور: أن كل عام يشهد معوقات منها المواد الممتدة، الدروس في جميع المواد، ولا يوجد وقت للمذاكرة،مضيفة: "مدرسين مبيشرحوش لأنهم عارفين إن كل الطلبه بتاخد دروس، بالإضافة الي النظام الجديد اللي محدش فاهم فيه حاجه ولا حتي المدرسين".

وتابعت: "هو فين النظام الجديد، احنا ماشيين على قديمه والمناهج هى هى بغباءها، ومعالى الوزير هيعمل أسئله تقيس الفهم طب ازاى وانت مغيرتش المناهج ومطورتش المدرس، كله ماشى على الحفظ وأسلوب الدراسة العقيم اللى بيكره الطالب فى المدرسه والتعليم وعبيء الدروس زى ما هو، غير إن المدارس الحكوميه حالها يرثى لها".

واختتمت: "مواد كتير مفيش وقت للمذاكرة، دروس في العادي علي النظام القديم، مصاريف مش في الحسبان، كتب خارجيه بمبالغ مرتفعه، حضور المدرسه بلا فائده،المدرسين بدون شرح، وقراءة من الكتب بس، لو رسب الطالب في ماده بعيد السنه يعني بيحطم الطلاب، أولياء أمور بتكلم نفسها"، وأضافت أخري: "والله كلمه نظام جديد دي حرام، مفيش أي حاجه جديده، والمدرسين مفيش شرح، وكله مستني مفاجأه الامتحان اللي محدش يعرف عنه حاجه".

 

 أمهات مصر: طلاب
ads
هل تؤيد نظام الثانوية العامة

هل تؤيد نظام الثانوية العامة
ads
ads