"أمهات مصر": الدروس الخصوصية وحش يلتهم جيوب أولياء الأمور وتكلفتها 6 آلاف جنية شهريا

قالت عبير أحمد مؤسس اتحاد أمهات مصر للنهوض بالتعليم، إن الدروس الخصوصية وحش يلتهم جيوب أولياء الأمور في مختلف المراحل التعليمية. وأشارت عبير، في تصريحات صحفية، إلي أن تكلفة الدورس الخصوصية تتراوح بين 1500 جنيه و6500 جنيه شهرياً، حسب عدد المواد والمناطق، لافته النظر إلي أن طلاب النظام التعليمي الجديد لم ينجو من وحش الدروس الخصوصية.

 

وأكدت عبير، علي أن غياب دور المدرسة وشرح المعلم في الفصل أدي إلي لجوء جميع أولياء الأمور للإعتماد علي الدروس الخصوصية حتي غير القادرين منهم، مستطردة: "بعض أولياء الأمور بيستلفوا عشان يوفروا ثمن الدروس الخصوصية لأنهم عايزين يشوفوا ولادهم شاطرين ويعوضوا تراجع دور المدرسة والمعلم في الفصل".

 

 وطالبت مؤسس اتحاد أمهات مصر للنهوض بالتعليم، وزارة التعليم وجميع المسئولين عن التعليم في مصر، بالعمل علي إعادة دور المدرسة والتشديد علي المعلمين بالشرح داخل الفصول، وتطوير المناهج حتي لا يلجأ ولي الأمر الي الدروس الخصوصية.

 

وأجري اتحاد أمهات مصر للنهوض بالتعليم، استطلاع رآي علي صفحته الرسمية في الفيس بوك، حول تكلفة الدروس الخصوصية شهريا، حيث قالت ولي أمر: "2000 أولي ثانوي بدون مواصلات وعصير، وتكلفة الحصة من 60 إلي 70 جنية".

 

وأضافت ولي أمر أخري "6500 ثانويه عامه وأولى ثانوى في الشهر"، وتابعت: "2000 جنية تانية اعدادي وأولي ثانوي". وقالت ولي أمر: " 1400 جنيى تالته اعدادي"، واستكملت أخري: "فى الشهر 1000 جنيه تانية اعدادى، و1600 تانية ثانوى ومش كل المواد كمان غير تصوير ملازم غير مصروف أيديهم وغير البنزين"، وأضافت أخري: " 3300 جنية ثانية ثانوى في الشهر".

 

وذكرت ولي أمر: "تانيه اعدادى 1000 جنية لأن فى مواد مضطره اديها عند مدرس الفصل، ونفس الماده عند مدرس تانى احسن"، وأضافت أخري: "عاوزين تعرفوا تكلفة الدروس ولا تكلفة المواصلات ولا إرهاق الأهالي ولا إرهاق الأولاد ولا المدرسين اللي مش بيشرحوا في المدارس ولا عاوزين تعرفو ان بناخد يوم الجمعة بننزل كمان للدروس، احسبي بقى حضرتك التكلفة اد ايه، احنا ارهقنا جدا حرام دي دراسه ولا اشغال شاقة".