الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
جامعات

أستاذ علم نفس: "لو كسرت كهف أحزانك هتلاقي شمس حياتك بتنور أيامك"

كشكول

أوضح الدكتور فتحي الشرقاوي أستاذ علم النفس بجامعة عين شمس، أن الجميع يمر بلحظات يشعر بها بالغربة عن نفسه ولا يشعر بالحياة حوله، قائلا "كلنا بنمر بلحظات بنبقى فيها حاسين بالغربة عن نفسنا وعن غيرنا وبنبقى في الوقت ده مش حاسين بطعم أي حاجة ومش قادرين نفرق بين الألوان كل الألوان بتبقى في الوقت ده أسود وبني محروق وكل درجات الرمادي بس مفيش إلوان تانية مبهجة".

وأضاف الشرقاوي، قائلا "لو أنت بتمر بالحالة دي دلوقتي عاوزك ماتخافش كلنا بنمر باللحظات دي بس المهم ياريت ماتطولش فيها قوي لأنك لو دخلت جوه كهف أحزانك المظلم اللي جواك ممكن ماتعرفش تخرج منه تاني لأنك هتفضل تفتكر وتستدعي ذكريات كتير مؤلمة علشان كده عاوزك تكسر كهف أحزانك وتتجاوز اغترابك عن نفسك وتصالح نفسك بسرعة".

وتابع أستاذ علي النفس، قائلا "ساعتها هتلاقي شمس حياتك اللي كانت متوارية عنك رجعتلك تاني تنور أيامك قوم دلوقتي حالا وأهجر أحزان نفسك اللي جواك محتاجه تفرح شوية بدل الهم والغم اللي شايلاه بقالها فترة جرب مش هتخسر قد اللي خسرته واللي هتخسره لو ملحقتش نفسك".