وزير التعليم يشرح أهمية جهاز التابلت في الثانوية التراكمية
قال الدكتور طارق شوقي، وزير التربية والتعليم، إن إدخال "التابلت" للمرحلة الثانوية ليس جوهر التغيير، ولكن الجهاز مجرد وسيلة تساعد الطلاب على الوصول للمحتوى الثري على بنك المعرفة مجانا، وضمان عقد امتحانات على أعلى قدر من النزاهة والشفافية: "علشان ماحدش يقول لجان اكابر وتسريب امتحانات على الانترنت".
جاء هذا خلال المؤتمر الصحفي، المنعقد اليوم الأحد،
بديوان عام وزارة التربية والتعليم، حول استعدادات بدء العام الدراسي الجديد 2018/
2019، في 22 سبتمبر المقبل.
وأضاف الوزير،
أن السؤال المهم هو عن الأسئلة الجديدة التي تبحث عن الفهم وليس الحفظ:" محدش
يقولي التابلت امتى، قولولي الأسئلة هتكون عاملة ازاي، انا مش هجيب أسئلة متوقعة وإجابتها
محفوظة، الطالب مش هيتوقع السؤال بس لو فاهم هيعرف يجاوب، احنا عملنا جهد كبير جدا
علشان نصمم الأسئلة دي".
ولفت الوزير إن الدولة تكلفت لترميم النظام القديم
5 أضعاف بناء النظام الجديد للتعليم: "التابلت كرم مننا وكان ممكن ندخل نشتغل
من غيره بس الرئيس أصر على وجوده".
وتابع أن الدولة تعاقدت على 708 ألف "تابلت"
مع شركة "سامسونج"، مشيرا إلى أن الجهاو على أعلى مستوى من الجودة، وسيكون
في أيدي الطلاب في الفصل الدراسي الأول.
وعن سبب عدم توزيع "التابلت في بداية العام
الدراسي قال الوزير: "الأجهزة بتيجي على دفعات من الخارج، هتوصل عندنا في سبتمبر
وأكتوبر، هنحطها في المخازن، ولما وزارة الاتصالات تخلص الشبكات الداخلية في المدارس،
ومركز المناهج ينتهي من بنك الأسئلة، هنوصل شهر يناير، وهنوزع على كل الطلاب مع بعض،
والكتاب هيكون مع الطلاب من أول يوم".
ولفت شوقي إلى أن أول امتحان إلكتروني سيكون في
شهر يناير المقبل، وسيؤدي الطلاب قبله امتحانات تمهيدية دون إضافتها للمجموع، هذه الامتحانات
ستكون ورقية.
وعن سبب اعتبار السنة الأولى للثانوية المعدلة سنة
تمهيدية، قال إن الطالب والمعلم في حاجة للتدريب على النظام الجديد: "مش علشان
إحنا مش جاهزين".
