"ساندي شو" طفلة تشعل" فيس بوك" ..بين هجوم متابعيها ودفاع ذويها

أثارت طفلة تدعى ساندى، حالة من التضارب والاختلاف على موقع التواصل الاجتماعى "فيس بوك"، وتقوم الطفلة التى لا يتعدى عمرها 8 سنوات، بتصوير مقاطع فيديو توجه فيه حديثها لجمهورها على صفحتها، ووصل عدد متابعى صفحتها الشخصية إلى  ‏٢١٤٬٢٠٨‏ألف شخص.

وتعرض ساندى على صفحتها فيديوهات وهى توجه حديثها إلى متابعيها، أو وهى تؤدى رقصات على أنغام الموسيقى.

وتعرض ذوى الطفلة إلى هجوم شديد من رواد فيس بوك، متهمين جدتها التى تقوم برعاية الصفحة باستغلال الطفلة، إلا أن الطفلة  قامت بتسجيل فيديو مع جدتها وهى تغنى وترقص على أنغام أغنية لتامر حسنى "عيش بشوقك"

وردت الطفلة بفيديو لها معلقة "أنا بحب تيتا "، وحقق الفيديو 576 ألف مشاهدة، وقال هشام رضوان: "طب علميها حاجه كويسه بدل الأغانى،  وهاجم، انتى ربنا هيحاسبك على اللى بتعملية فى البت دى منك لله بدل متعلميها حاجة تنفعها، عمر شهد هو ده عمايل ياتيتا تعمليها فى البنت والله لتتحاسبى عليها".

وعلق آخر: "انتى ازاى تيتا والله والبنت دى ملهاش أم حتى تشوف اللى انتى بتعملىه دة انتى مريضة نفسية ولازم تتعالجى عشان البنت اللى انتى بتضيعيها دى ملهاش ذنب الصراحة".

 وأجمع عدد من المتابعين للصفحة على أن المسؤولية تقع على عاتق الأهل الذين يستغلون الطفلة، وقال أحمد خالد: "العيب مش على البنت فى النهاية هى طفلة وعادى كمان أنها ترقص فى بيتها لكن العيب على جدتها لأنها محفظتهاش من عيون الناس وصورتها ربنا يشفى جدتها بجد ويهديها.

 وعلق آخر: "فين قانون حماية الطفل إيه اللى بيحصل ده؟".

واستمرت "ساندى" فى الرد على متابعى الصفحة، بفيديو وصفه المتابعين بالمستفز، به مقطع أغنية "حراقة عليهم وبكيد فيهم والنار وكلاهم حد يطفيهم".

 وتدخلت الجدة بكتابة تعليق ترد فيه على مهاجميها، "صباح الخير (جده ساندي): انا مكنتش عايزه أدي للموضوع اكتر من حقه بس انا حبيت اتكلم لسبب واحد فقط ان فى ناس كتير جدا بتعلق ومش عارفه اي حاجه خالص فاكرين ان ساندي حفيدتي مظلومه وعايشه حياه صعبه وان انا جده ظالمه وجو الافلام اللي شايفاه بينتشر من امبارح والتعلقيات الغربيه اللي بشوفها بس يلا مش مهم حسناتي كتر جدا وانا مبسوطه من ده معلش بقي محدش هيخاف علي حفيدتي اكتر مني وانا حابه اعملها الحاجه اللي هي بتحبها هي بتعشق التمثيل جدا وبتحب ترقص وتغني وتفرح زي كل الاطفال ايه المشكله بقي معلش لما اعمل لحفيدتي بيدج وانزل عليها فيديوهات ليه اظن انا مش شايفه فيها اي مشكلة".

وأضافت: أه وكمان الناس اللي بتقول انا عايزه اتشهر علي ساندي، لا حضرتكم انا معروفه انا مين بفعل، واخده جوائز من جميع البلد اني أفضل خبيره تجميل سينمائي، من قبل ساندي والكلام الغريب اللي بسمعه ده.

وتابعت: "وبعدين انا شايفه ان ماشاء الله الناس كلها فجاءه بقت مربيه عيالها وشايفين ساندي الوحيده اللي مش متربيه ليه خير هو مافيش غير ساندي ع كوكب الارض مثلا، وبعدين سبتم جرايم البلد وماسكين ف سيره ساندي وبس والله عالم غربيه".

وأكدت: "ساندي يا جماعه عايشه حياتها وسنها وطفولتها ساندي في زيها ف كل بيت مصري انا بحب حفيدتي فوق ما اي حد ف العالم ده كله يتخيل دي روحي، والناس اللي بتقول انا مستغلها كنت وافقت علي عروض الافلام و المسلسلات البرامج اللي اتعرضت عليها بقي لو انا مديه وبستغلها بس انا رفضت كل ده".

وأوضحت: "واللي بيقولوا مامتها فين عايشه وموجوده وبتربي بنتها وبابها عايش وحابب بنته جدا لانه الوحيده والدلوعه، انا هقول كلمه اخيره الناس اللي بتعلق ومتعرفش ساندي واهل ساندي يبقي بلاش كلام وتعليق ملوش اي مليون لازمه ودعوا الخلق للخالق".

وكتبت والدة "ساندي" وتدعي مى خالد، بوست ايضا تدافع فيه عن الطفلة، معلش بقي عايزه اتكلم في موضوع ساندي بنتي ومعظم الناس اللي بتخش تشتم وتقل أدبها وتدعي عليها، ياريت كل واحد يخليه في حاله وفي تربيه عياله وانا عارفه انا مربيه بنتي على ايه وجدتها مربيها على ايه محدش ليه فتعمل فيديوهات وتنزلها وتعمل بيدج دي حريه شخصيه".

وأضافت والدتها: "ما انا يأمه بشوف فيديوهات واطفال وبتفرج ولو حاجه عجبتني بعمل لايك وبقول ماشاء الله، ولو حاجه مش عجباني ولا بعمل لايك ولا بعلق ع حد ولا بشتم ولا ادعي والجو البئيه ده".

وتابعت: "وبعدين هي الدرجه دي شغلكم اوي دي طفله يا جماعه ايه المشكلة انها تكون مقلبظه شويه هو ده عيب ولا حرام معلش لو سمحتي كل واحد يخليه في حالوا وفي عيالكم وتربيتكم، ولو سمحتم بقي وكلمه أخيره دعوا الخلق للخالق".