"أمهات مصر": أغلب أولياء الأمور استخدموا الشنط المدرسية القديمة لمواجهة غلاء الأسعار.. وآخرين صنعوها
قالت عبير أحمد، مؤسس اتحاد أمهات مصر للنهوض بالتعليم، إن عدد كبير من أولياء الأمور اضطروا إلي عدم شراء الشنط المدرسية واستخدام القديمة، وذلك بسبب ارتفاع أسعارها خاصة الشنط "الماركة".
ودار حوار ومناقشات
بين أولياء الأمور علي صفحة اتحاد أمهات مصر للنهوض بالتعليم علي الفيس بوك، حول أسعار
الشنط المدرسية وأفضل المواصفات التي يفضلها أولياء الأمور، حيث قالت ولي أمر :
"بنجيب شنطة Bz
وبتقعد معانه سنتين"، وأضافت أخري :"هظبط بتوع السنه اللي
فاتت هنجيب منين يعني"، وأستكملت أخري :"جبت السنه اللي فاتت شنط 3m الواحده
كانت ب 750 وكويسين زي ما هما هغسلهم بس وهيروحوا السنه ديه بيهم".
وأضافت ولي أمر
أخري: "بنتي راحت k.g
1.2 بنفس الشنطه، وقبلها سنه في الحضانه وكنت مكلماها
واقتنعت إن شنطتها كويسه وتروح بيها عادي السنه دي، لسه هاجيب شنطه وهاشتري لأخوها
لأني مش ضامنه الأسعار السنه اللي جايه هاجيبهاله واشيلها، وأقل شنطه تعمل من 300 وانتي
طالعه، مايهمش السعر قد ما هاحب اجيب شنطه متينه وظهرها مريح اولا ومش مهم بالنسبالي
تبقي براند المهم تبقي ماتريال قويه وتستحمل"، وتابعت أخري: "بجيبها active عشان
تعيش والحمد لله عايشة بقالها سنتين، وإن شاء الله مش هشتري السنة دي غير لو لقيت عرض
كويس".
واشارت عبير إلي
ولي أمر قامت بصنع شنطة كروشية صغيرة للدروس
كتجربة ونجحت في صنعها، موضحة أنها قررت عمل شنطة أخري كبيرة للمدرسة بسبب غلاء الأسعار.
وناشدت عبير تجار
الشنط بتخفيض الاسعار وعدم المغالاة في الشنط المدرسية مراعاة لظروف أولياء الأمور،
وموجه حديثها لأولياء الأمور قائلة: "متركزوش اوي علي الماركات واشتروا الشنط
بالأسعار اللي تناسبكم".
